ټيلرسن هيله من دی چې ايران به د اټومي تړون پر سر خبرو ته کښېني

ټيلرسن هيله من دی چې ايران به د اټومي تړون پر سر خبرو ته کښېني

ټيلرسن هيله من دی چې ايران به د اټومي تړون پر سر خبرو ته کښېني

د امریکا د بهرنیو چارو وزیر رېکس ټیلرسن وايي، دی اوس هم هیله من دی چې ایران به د امریکا په غوښتنه د ۲۰۱۵م کال په اټومي تړون کې د بدلون لپاره پر خبرو اترو سلا شي.

ټیلرسن دا څرګندونې د چارشنبې په ورځ ناوخته په نیویارک کې د یاد تړون له نورو غاړو سره تر خبرو اترو وروسته یوې خبري غونډې ته کړې دي.

که څه هم د ایران ولسمشر حسن روحاني د تهران او نړيوالو قوتونو تر منځ په ۲۰۱۵م کال کې د شوي اېټمي تړون په ځينو مادو کې د بدلونونو پر سر نوې خبرې اترې رد کړې، خو د امريکا د بهرنيو چارو چارو وزير رېکس ټيلرسن بيا هم هيله ښودلې چې ايران به خبرو اترو ته غاړه کښېږدي.

نوموړي په دویم ځل د ایټمي تړون هغه برخې په ګوته کړې چې ۱۰ کاله وروسته يعني په ۲۰۲۵م کال کې له ايران څخه ځينې بنديزونه ليرې کوي چې مهم يې د ایران د یورانیمو پر غني کولو لګول شوي محدودیتونه دي.

دا محدودیتونه پر ايران په اقتصادي بندیزونو کې د نرمۍ په بدل کې لګول شوي ول. رېکس ټیلرسن وویل، ولسمشر ډونلډ ټرمپ غواړي چې د تړون پر دې برخو بیا خبرې اترې وشي خو حسن روحاني د ورځې په سر کې لا په دې اړه د خبرو اترو امکان رد کړ.

د فرانس ولسمشر ايمانيول مېکخوا هم د اېټمي تړون د هغو مادو پر سر چې په ۲۰۲۵م کال کې يې موده پای ته رسيږي، د خبرو اترو ملاتړ کړی او ويلي يې دي چې نوموړی په دې لړ کې د امريکا او ايران تر منځ د منځګړي رول لوبولو وړانديز کړی دی.

دا له هغه وروسته ده چې د ایران ولسمشر حسن روحاني وویل، دوی پر داسې نېټو او مهال وېش سره سلا شوي ول چې ټولو ته د منلو وړ ول نو اوس دا تړون داسې شی نه دی چې ګوتې پکې ووهل شي.

ايران په ۲۰۱۵م کال کې د نړۍ له شپږو هېوادونو امريکا، فرانس، جرمني، روس، چين او بريتانيې سره دا تړون لاسليک کړ چې د ځينو مهمو مادو موده يې په ۲۰۲۵م کال کې پای ته رسيږي.

ولسمشر روحاني وايي چې که تاسو یوه خښته وباسئ نو ټوله ودانۍ به نسکوره شي.

source: Mashaal Radio

THE VOICE TIMES

  • 16x9 Image

    احمد شاه اعظمي

    احمد شاه اعظمي د افغانستان او پاکستان په اړه راپورونه جوړوي. نوموړی لاندې پر فېسبوک او ټويټر څارلای شئ

Be the first to comment on "ټيلرسن هيله من دی چې ايران به د اټومي تړون پر سر خبرو ته کښېني"

Leave a comment